Kronika

Ngjarje tragjike në Deçan, 8 vjeçari vret me armë 6 vjeçarin

Një ngjarje e rëndë ka ndodhur në fshatin Berliq të komunës së Deçanit.

Dyshohet sipas asaj që ësht raportuar në media se një fëmijë i moshës 8 vjeçare, ka shtënë aksidentalisht me pistoletë në drejtim të vëllait të tij 6 vjeçar.

Rastin e vdekjes së 6 vjeçarit e ka konfirmuar për lajmi.net edhe Driton Rugova, zëdhënës i Policisë së Pejës.

“Dje me datë 07.06 Policia është informuar se një fëmijë është duke u sjellur në Spitalin e Pejës i lënduar rëndë, nga fshati Berliq i Komunës së Deçanit. Policia kur ka shkuar në spital e ka kuptuar se bëhet fjalë për një fëmijë të moshës 6 vjeçare, i cili ka qenë i lënduar në kafkë nga një mjet i dyshimtë. Diku rreth orës 20:16 minuta, Policia është informuar se fëmija ka ndërruar jetë”, ka thënë Rugova.

“Në vendin e ngjarjes kanë dalur Prokurori i Shtetit dhe Policia e Kosovës me njësitë relevante. Me urdhër të Prokurorit, trupi i pajetë i viktimës është dërguar në mjekësi ligjore për obduksion”, tha Rugova për lajmi.net.

I pyetur nëse dihen saktësisht shkaqet e kësaj vrasje, Rugova është shprehur se rasti është i ndërlikuar dhe është në fazën e hetimeve, por dyshimet e para thonë se rasti ka ndodhur nga një fëmijë pothuajse i së njëjtës moshë.